Flet mjeku alternativ Hysni Dankshi. Farat e trëndafilit qetësojnë kollën, dhimbjet e barkut dhe diarenë

Author

Categories

Share

Është një shprehje e famshme që thotë: “Trëndafilat janë të mirë për shpirtin dhe lëkurën”. Trëndafili ka një përdorim të gjerë në mjekësinë alternative.

Përbërësit: Vaj esencial, taninë, vitamina C,B,E,K ,vaji i trëndafilit ka mbi 300 substanca përbërëse, nga të cilat njihen vetëm 100.

Veprimi:  antispazmodik, afrodiziak, antiidepresant, qetësues, stimulues i tretjes, ekspektorant, antibakterial, antiviral, atiseptik, tonik për veshkat, gjakun, rregullues i periodave dhe antiinflaamtor.

Pjesët që përdoren

Fara e trëndafilit është burim i pasur me vitaminë C dhe përdoret në çajra, lëngje frutash dhe shurup.
Dikur gjethet përdoreshin si zëvendësuese për çajin. Farat e llojit të saj njihen si tonik për veshkën dhe jepen në çrregullimet e saj. Meqë janë astregente merren dhe për të trajtuar diarrenë kronike.

Trëndafili i llojit (rosa rugosa) përdoret për të pastruar gjakun si tonik për mëlçinë, përdoret për çrregullime të tretjes ose në rastet me perioda të rënda. Trëndafili francez përdoret për t’i dhënë aromë përgatitjeve mjekësore dhe për të pastruar trupin nga toksinat. Përdoren petalet e trëndafilit. Vaji esencial i trëndafilit të butë përdoret për të prodhuar parfumet e femrave. Ai përdoret për të trajtuar problemet me lëkurën, depresionin dhe ankthin, si dhe kur merret nga goja përdoret për të trajtuar problemet e tretjes. Kohët e fundit është parë që ka veti antivirale dhe anti HIV (SIDA).

Përdorimi:

Farat e trëndafilit të egër përgatiten në formë tinkture dhe merren për të qetësuar kollën, dhimbjet e barkut dhe në rastet me diarre.

Shurupi përdoret për t’i dhënë aromë mjekimeve të tjera, shtojini përzierjet që përdoren për të trajtuar kollën dhe mund të merret edhe si burim vitaminë C.

Farat e trëndafilit të butë

Dekokti (përzierje bimësh) merret për të trajtuar diarenë kronike të shoqëruar me dobësi stomaku. Vaji esencial i futur në kremra të ndryshme përdoret për t’i hequr skuqjen fytyrës dhe për fytyrat e thata. Uji i trëndafilit mund të përdoret për kruajtjet vaginale, por mund të përdoret edhe për lëkurat me probleme, njollat dhe aknet (puçrat e fytyrës). Për masazh mund të tresni në 25 ml vaj bajame 2 ml vaj trëndafili. Masazhimi i zonës shërben për të qetësuar nervat dhe ulur stresin e lodhjen. Petalet e trëndafilit Francez përdoren në formën e tinkturës dhe përdoren për diarrenë dhe tretjen. Gargarat (shpëlarjet) bëhen për të qetësuar fytin e irrituar.

Author

Share